uurdmandah

Хийморийн тулаан

Шамарган цасанд ноцож бойжисон

Шалбааган наранд шатаж гасалсан

Сэрвээндээ талын өвгөн салхитай

Самсаандаа цусны үнэртэй

     Саарал эцгийн удамтай

     Сайн эрийн заналтай

Соёо хоёртоон эрдэж

Хээрийн чулуу бүхнийг эзгэнэсэн

Хэнхэлдэг  ёрзгор талын саарал аа

     Гэтсэн олзоо гэндэж алддаггүй

     Гишгих хөлийн доор

Зэтгэр таарч анчны хавхтай

Гурамсан хахир хорвоог

Гуядаж өөрөөн элээх

Талын саарал аа

Олзонд шунаж

Овоо хараанд багтаж 

Хийморь илүүтэйгээн батлах

Хэсэг зуурын тулаан эхлэнэ

     Онож гэмээн анчин ялах

     Алдаж гэмээн саарал ялах

     Хийморийн тулаанд

Хэн ч ялж магадгүй ээ